راولپنڈی:وزیراعلیٰ خیبرپختونخوا علی امین گنڈاپور نے اڈیالہ جیل میں بانی پی ٹی آئی عمران خان کے ساتھ ڈیڑھ گھنٹے تک ملاقات کی ۔
ذرائع کے مطابق اس موقع پر دونوں رہنماوں کے درمیان 24 نومبر کے احتجاج سمیت دیگر امور پر گفتگو کی گئی۔
ذرائع نے بتایا کہ علی امین گنڈاپور نے 24 نومبر کے احتجاج سے متعلق صوبائی حکومت کی تیاریوں اور وزیراعلیٰ ہاوس میں جاری سرگرمیوں سے متعلق عمران خان کو تفصیلی بریفنگ دی ۔
ذرائع نے کہا ہے کہ وزیراعلیٰ علی امین گنڈاپور نے نیشنل ایکشن پلان کی اپیکس کمیٹی کے اجلاس میں شرکت پر بھی بریفنگ دی ۔
ملاقات ختم ہونے پر وزیراعلیٰ خیبر پختونخوا میڈیا سے بات کیے بغیر اڈیالہ جیل سے کے پی ہاوس اسلام آباد کیلئے روانہ ہوئے ۔
قبل ازیں وزیراعلیٰ خیبر پختونخوا کی آمد سے قبل اڈیالہ روڈ پر سکیورٹی الرٹ کردی گئی تھی۔
