بنوں: کاؤنٹر ٹیررازم ڈیپارٹمنٹ (سی ٹی ڈی) نے خیبرپختونخوا کے ضلع بنوں میں کارروائی کے دوران انتہائی مطلوب دہشت گرد کو ہلاک کردیا۔ سی ٹی ڈی کے مطابق کارروائی بنوں کی تحصیل وزیر کے علاقے تلگئی میں کی گئی جس میں مطلوب دہشت گرد کو ہلاک کر دیا گیا جس کی شناخت عمر عرف مصطفیٰ کے نام سے ہوئی ہے۔ سی ٹی ڈی کے مطابق اس کے قبضے سے اسلحہ اور دستی بم بھی برآمد ہوئے ہیں۔
سی ٹی ڈی کا کہنا ہے کہ ہلاک دہشت گرد دھماکوں، ٹارگٹ کلنگ اور فورسز پر حملوں میں مطلوب تھا۔ سی ٹی ڈی حکام کے مطابق دہشت گرد کا تعلق کالعدم تحریک طالبان پاکستان (ٹی ٹی پی) حافظ گل بہادر گروپ سے ہے۔
