ڈی آئی خان: (اخبار خیبر) ڈیرہ اسماعیل خان پولیس کے مطابق خاندانی جھگڑے پر فائرنگ سے 4 افراد جاں بحق جبکہ 2 زخمی ہو گئے ہیں ۔
پولیس نے کہا ہے کہ افسوسناک واقعہ ڈی آئی خان کے گاؤں شیرکہنہ میں پیش آیا، تنازع دو سگے بھائیوں کے درمیان رات گئے پیش آیا، طیش میں آ کر بھائی نے دوسرے بھائی کے اہلخانہ پر فائرنگ کر دی جس کے نتیجے میں میاں، بیوی، بیٹی اور ایک قریبی رشتہ دار موقع پر ہی جاں بحق ہو گئے ۔
پولیس نے مزید بتایا کہ فائرنگ سے 55 سالہ سعد اللہ، 37 سالہ بیوی ، 12 سالہ بیٹی اور رشتہ دار ابوبکر موقع پردم توڑ گئے جبکہ واقعے میں 15 اور9 سال کے بیٹا زخمی ہوئے جنہیں ہسپتال منتقل کر دیا گیا۔
واقعے کے بعد ملزمان موقع سے فرار ہو گئے ،پولیس نے فائرنگ کے واقعہ کی ایف آئی آر درج کرکے مزید تفتیش اور ملزمان کی گھارفتاری کیلئے کارروائی شروع کردی ہے ۔
