اسلام آباد(خیبر نیوز) امریکہ میں کانگریس اراکین کے بانی پی ٹی آئی کی رہائی کے لیے لکھے گئے خط کا ڈراب سین ہو گیا۔ کچھ دن پہلے تحریک انصاف کے اراکین یہ کہتے ہوئے تھکتے نہیں تھے کہ امریکہ میں 60 کانگریس اراکین نے بانی پی ٹی آئی کے حق میں اپنی حکومت کو خط لکھا ہے اور عمران خان کی رہائی سمیت پاکستانی فوج پر پابندیاں لگانے کا مطالبہ کیا ہے۔
جب خط لکھنے والے امریکی کانگریس ارکان کا جائزہ لیا گیا تو یہ ہوش ربا تفصیلات سامنے آئیں کہ خط لکھنے والے ان 62 کانگریس اراکین میں سے 9 مکمل طور پر یہودی نسل پرست ہیں اور 29 اراکین اسرائیل کے کھلم کھلا حمایتیوں میں شمار ہوتے ہیں۔
ذرائع کا کہنا ہے کہ ان اراکین میں سے 13 ممبران مختلف مواقع پر بھارت کی جانب اپنی کھلی ہمدردیوں کا اظہار کر چکے ہیں اور 21 کٹر پاکستان مخالف ہیں جبکہ 2 اپنی تقریروں میں کشمیر کو بھارت کا حصہ قرار دے چکے ہیں۔
حیرانگی کی بات یہ کہ مجموعی طور پر ان 60 کانگریس اراکین میں سے 50 ارکان ہم جنس پرستی یعنی LGBTQ کے حمایتی ہیں۔
یہ ایک انتہائی تشویش ناک صورتحال ہے جب پاکستان مخالف قوتیں پاکستان میں اپنے کسی اثاثے کو بچانے کیلئے یوں کھلم کھلا مداخلت کر رہی ہیں اور پاکستان کے خلاف منظم مہم چلا رہی ہیں۔
