خیبر پختونخوا اسمبلی میں اپوزیشن لیڈر عباداللہ کا کہنا ہے کہ کے پی حکومت کی ہٹ دھرمی کی وجہ سے یہاں سینیٹ کا الیکشن نہیں ہو سکا
میڈیا سے گفتگو کرتے ہوئے خیبر پختون خوا اسمبلی میں اپوزیشن لیڈر عباداللہ نے کہا کہ اسپیکر کسٹوڈین آف دی ہاوس ہوتا ہے۔ آج کسٹوڈین آف دی ہاوس غائب ہے۔ان کا کہنا ہے کہ اسپیکر کے پی اسمبلی بانی پی ٹی آئی کے ٹائیگر بنے ہوئے ہیں۔ انہوں نے اپنا کردار ادا نہیں کیا، یہ نہ آئین کو مانتے ہیں، نہ قانون کو مانتے ہیں۔خیبر پختونخوا اسمبلی میں اپوزیشن لیڈر عباداللہ کا مزید کہنا ہے کہ پہلی بار غیر قانونی طور پر کے پی اسمبلی ہال الیکشن کمیشن کے حوالے کیا گیا۔انہوں نے یہ بھی کہا ہے کہ یہ لوگ الیکشن کمیشن اور عدالت کے واضح فیصلوں کو نہیں مانتے، عوام کی بدقسمتی ہے کہ پورے ملک کے بر عکس یہاں سینیٹ انتخابات نہیں ہو رہے
