Latest Urdu news from Pakistan - Peshawar, Lahore, Islamabad

الیکشن ٹریبونل خیبرپختونخوا،331 درخواستوں میں 242 منظورجبکہ89 مسترد،رپورٹ جاری

خیبرپختونخوا الیکشن ٹریبونل نے کاغذات نامزدگی کے مسترد ہونے کے خلاف دائر درخواستوں کی رپورٹ جاری کردی. رپورٹ میں بتایا گیا ہے کہ خیبرپختونخوا بھر سے الیکشن ٹریبونل کو 331 درخواستیں موصول ہوئی٘ں. ان میںِ سے 173 اپیلوں پر جسٹس شکیل احمد ،جسٹس عتیق شاہ اور جسٹس وقار احمد نے سماعت کی

الیکشن کمیشن کی رپورٹ کے مطابق، ہائیکورٹ ایبٹ آباد بینچ کے جسٹس کامران حیات میاخیل نے 25 اپیلوں پر سماعت کی ہے۔ اسی طرح، مینگورہ بینچ کے جسٹس محمد نعیم انور نے 86، ڈی آئی خان بینچ کے جسٹس فہیم ولی نے 14، اور بنوں بینچ کے جسٹس فضل سبحان نے 33 اپیلوں پر سماعت کی ہے۔

ذرائع کے مطابق، الیکشن ٹریبونل پشاور نے مجموعہ 43 امیدواروں کے کاغذات نامزدگی مسترد کئے ہیں، جبکہ ایبٹ آباد اور مینگورہ الیکشن ٹریبونل نے 17، ڈی آئی خان اور بنوں الیکشن ٹریبونل نے 4، 4 امیدواروں کے کاغذات نامزدگی مسترد کئے ہیں.یہ اہم ہے کہ مجموعی طور پر 331 درخواستوں میں سے 242 منظور اور 89 مسترد کی گئی ہیں۔

جواب چھوڑیں

آپ کا ای میل ایڈریس شائع نہیں کیا جائے گا.