گلگت بلتستان میں 24 جنوری کو ہونے والے انتخابات ملتوی کردیئے گئے، چیف الیکشن کمشنر گلگت بلتستان کے مطابق نئی تاریخ کا اعلان بعد میں کیا جائے گا ۔
گلگت: چیف الیکشن کمشنر راجہ شہباز خان نے آل پارٹیز کانفرنس کی اکثریتی رائے کو مدنظر رکھتے ہوئے 24 جنوری کو ہونے والے گلگت بلتستان اسمبلی کے عام انتخابات کو ملتوی کرنے کا اعلان کیا ۔
انہوں نے کہا کہ آل پارٹیز کانفرنس میں اکثریتی سیاسی جماعتوں کی طرف سے سخت سردی میں انتخابات میں مشکل کا سامنا کرنے کے حوالے سے رائے سامنے آئی ۔
چیف الیکشن کمشنر راجہ شہباز خان نے کہا کہ سیاسی جماعتوں کی رائے کے بعد انتخابی شیڈول کو ملتوی کیا گیا، الیکشن کی نئی تاریخ کا اعلان بعد میں کیا جائے گا ۔
ان کا مزید کہنا تھا کہ 13جماعتوں نے انتخابات ملتوی کرنے کا مطالبہ کیا،جبکہ 6جماعتوں نے موجودہ شیڈول پرہی الیکشن کا مشورہ دیا ۔
