الیکشن کمیشن آف پاکستان نے آزاد امیدوار ریحان زیب کے قتل کے باعث این اے 8 کے بعد پی کے 22 باجوڑ کے انتخابات بھی ملتوی کردیئے۔ قبائلی ضلع باجوڑ میں نامعلوم افراد نے پاکستان تحریک انصاف کے رہنماء اور آزاد امیدوار ریحان زیب کو فائرنگ کرکے قتل کردیا تھا۔
الیکشن کمیشن آف پاکستان نے ریحان احمد کے قتل کے باعث پی کے 22 باجوڑ کے انتخابات بھی ملتوی کردیئے، ریٹرنگ افسر نے انتخابات ملتوی ہونے سے متعلق نوٹیفکیشن جاری کردیا۔
یاد رہے اس سے قبل الیکشن کمیشن آف پاکستان نے این اے 8 باجوڑ کے انتخابات ملتوی کرنے کا اعلان کیا تھا۔ علاوہ ازیں الیکشن کمیشن آف پاکستان نے پی کے انتخابی امیدوار کے انتقال کے باعث پی کے 91 کوہاٹ کے انتخابات بھی ملتوی کردیئے ہیں، ان حلقوں پر ضمنی انتخابات کا اعلان عام انتخابات کے بعد کیا جائے گا۔
