سوات: مسلم لیگ (ن) نے آج سوات میں پاور شو کرنے کا پروگرام بنا رکھا ہے۔ اس سلسلے میں جلسے کی تمام تیاریاں مکمل کرلی گئی ہیں۔ یہ جلسہ سوات کے گراسی گراؤنڈ میں ہو رہا ہے جہاں ہزاروں کرسیاں لگادی گئی ہیں، مسلم لیگ (ن) کے قائد نواز شریف اور چیف آرگنائزر مریم نواز جلسے سے خطاب کریں گے۔
یاد رہے کہ گزشتہ روز مسلم لیگ ن نے ظفروال میں طاقت کا مظاہرہ کیا تھا۔ ظفروال میں جلسے سے خطاب کرتے ہوئے مریم نواز نے کہا تھا کہ ملک میں شر پھیلانے کے لیے لائے گئے فتنے نے قوم کو صرف ایک ہی سبق دیا کہ آگ لگادو، نواز شریف کے خلاف سازش کرنے والے گھروں کو چلے گئے۔
