پولیس ذرائع نے بتایا ہے کہ جنوبی وزیرستان میں مسجد کے اندر دھماکہ ہوا، جس میں جے یو آئی کے رہنما سمیت 4 افراد شدید زخمی ہوئے ہیں ۔
پولیس ذرائع نے تصدیق کی ہے کہ جنوبی وزیرستان کے علاقے اعظم ورسک میں مسجد کے اندر دھماکہ ہوا، جس میں جمعیت علمائے اسلام (جے یو آئی) کے رہنما مولانا عبداللہ زخمی ہو گئے ۔
دھماکے کی اطلاع ملتے ہی پولیس اور امدادی ٹیمیں جائے وقوع پر پہنچیں اور کارروائی شروع کی، ریسکیو ذرائع کے مطابق زخمیوں کو ڈسٹرکٹ ہیڈکوارٹر ہسپتال وانا منتقل کردیا گیا ہے ۔
عینی شاہدین کے مطابق اعظم ورسک میں دھماکہ مسجد کے محراب کے قریب ہوا۔ دھماکے میں جے یو آئی کے رہنما مولانا عبداللہ ندیم کو نشانہ بنایا گیا۔ ان کے علاوہ دھماکے میں 3 افراد بھی شدید زخمی ہوئے ۔
