ایف سی بلوچستان ساؤتھ کی جانب سے مارچ 2025 میں بلوچستان کے دور آفتادہ علاقوں میں 279 فری میڈیکل کیمپس کا انعقاد کیا گیا ۔
ایف سی بلوچستان ساؤتھ کی جانب سے جن علاقوں میں فری میڈیکل کیمپ کا انعقاد کیا گیا ان میں تربت ، مند، بلیدہ ،ہوشاب، دشت، پنجگور، خاران، دالبندین ، تفتان اور ماشکیل کے دور دراز علاقے شامل ہیں ۔
میڈیکل کیمپس میں بچوں اور خواتین سمیت 11735 مریضوں کو مفت علاج معالجے کی سہولیات فراہم کی گئیں ۔
کیمپس میں مختلف طبی معائنے اور لیبارٹری ٹیسٹ کی سہولیات کے ساتھ ساتھ مفت ادویات بھی تقسیم کی گئیں ۔
