پشاورصدر کے ایک شاپنگ سینٹر میں اچانک آگ لگنے سے کروڑواں کا سامان جل کر راکھ بن گیا۔ کئی گھنٹے گزر جانے کے باوجود آگ پر قابو نہ پایا جا سکا۔
ذرائع مطابق پشاور کے شاپنگ سینٹر میں شارٹ سرکٹ کی وجہ سے لگی آگ پر قابو پانے کے لیے فائر بریگیڈ کی 26 سے زائد گاڑیاں اور 130 سے زائد فائر فائٹرز کوشش کر رہے ہیں جبکہ دیگر اضلاع سے بھی فائر فائٹرز کی ٹیمیں اور فائر بریگیڈ کی گاڑیاں بلوائی گئی ہیں۔
آگ نے پورے پلازا کواپنی لپیٹ میں لے رکھا ہے۔ اس عمارت میں تقریبا 200 دکانیں ہیں، شاپنگ سینٹر میں بیٹریاں اور یو پی ایس پھٹنے سے آگ کی شدت میں اضافہ اور کنٹرول کرنے میں مشکلات پیش آ رہی ہیں جبکہ شاپنگ سینٹر کے قریب واقع گھروں کوخالی کرالیا گیا ہے۔ فوری طور پر کسی جانی نقصان کی اطلاع نہیں ملی۔
