لکی مروت میں مٹی کا تودا گرنے سے پانچ بچے مٹی کے نیچے آ گئے۔ افسوسناک واقعے میں ایک بچہ جاں بحق ہوگیا جبکہ 4 کو زخمی حالت میں نکال لیا گیا ہے۔ ریسکیو ذرائع کے مطابق یہ واقع لکی مروت کے نواحی گاؤں اچوخیل میں پیش آیا جہاں برساتی نالے پر سے گزرتے بچوں پر مٹی کا تودا گر پڑا جس ایک بچہ جاں بحق ہوگیا جبکہ 4 بچوں کو نکال کر ہسپتال منتقل کردیا گیا ہے۔
ذرائع کے مطابق مٹی کا تودا گرنے سے جاں بحق اور زخمی بچے آپس میں رشتہ دار ہیں جن کی عمریں 6 سے 10 سال کے درمیان ہیں، زخمی ہونے والوں میں دو بچوں کی حالت تشویشناک بتائی جا رہی ہے۔
