آندھی اور تیز بارش کے بعد آنے والے طوفان سے پشاور اور چارسدہ میں کئی گھروں کی چھتیں اڑ گئیں۔
ریسکیو کے مطابق چارسدہ کے علاقے ترنگزئی خٹ کورونہ میں تیز آندھی اور طوفان کے باعث کمرے کی چھت گرگئی جس کے نتیجے میں 5 افراد جاں بحق ہوگئے۔
ریسکیو کے مطابق چھت گرنے سے جاں بحق ہونے والوں میں میاں بیوی اوران کے 3 بچے شامل ہیں۔
ریسکیو حکام نے کہا ہے کہ متاثرہ افراد کو چارسدہ کے ڈی ایچ کیو ہسپتال منتقل کیا گیا تھا جہاں وہ زخموں کی تاب نہ لا تے ہوئےجاں بحق ہوگئے۔
