ملکی تاریخ میں پہلی مرتبہ آئی ٹی برآمدات میں بڑا اضافہ ریکارڈ کیا گیا ہے۔
وزیر مملکت برائے آئی ٹی شزہ فاطمہ کی طرف سے بتایا گیا ہے کہ آئی سی ٹی سروسز کی برآمدات میں اپریل 2024 کے مہینے میں 31 کروڑ ڈالرز کا تاریخی اضافہ دیکھا گیا ہے جو کہ ملکی تاریخ پہلی بار ہوا ہے، آئی ٹی برآمدات میں گزشتہ سال اپریل کے مقابلے میں 62.3 فیصد اضافہ ہوا ہے۔
شزہ فاطمہ کے مطابق جولائی 2023 سے اپریل 2024 کے دوران آئی ٹی برآمدات 2.593 ارب ڈالرز تک جا پہنچی ہے، جبکہ اس کے برعکس گزشتہ مالی سال کے اسی عرصہ میں آئی ٹی برآمدات 2.135 ارب ڈالرز تھیں۔وزیر مملکت کے مطابق آئی ٹی برآمدات میں یہ اضافہ صرف اور صرف وزیراعظم کی محنت کا نتیجہ ہے اور آئی ٹی برآمدات میں اضافہ کے لیے مزید اقدامات بھی جاری ہیں، امید کرتے ہیں کہ آئی ٹی برآمدات میں مزید اضافہ ہوگا۔
