آئندہ عام انتخابات کا سلسلہ جاری،ملک بھر میں ریلیوں اورجلسوں کا سلسلہ شروع ہوگیا۔مسلم لیگ ن آج ننکانہ صاحب میں سیاسی پاورشو کرے گی،جبکہ پیپلزپارٹی آج سرگودھامیںسیاسی پنڈال سجائے گی۔
ننکانہ صاحب میں مسلم لیگ ن کے سیاسی پاور شو کیلئے 20فٹ اونچا اور 80فٹ لمبا سٹیج تیار کر لیا گیا ہے۔ جلسہ گاہ میں بڑی تعداد میں کرسیاں بھی لگا دی گئیں ہیں۔میاں نواز شریف کے ہیلی کاپٹر کیلئے ہیلی پیڈ بھی تیار کر لیا گیا۔ جلسے کی سکیورٹی کیلئے بھی انتہائی سخت انتظامات کئے گئے ہیں۔
رات گئے مسلم لیگ ن کے عہدیداران، ٹکٹ ہولڈرز اور کارکنان کی بڑی تعداد سٹیڈیم پہنچی۔ جلسے کے مقام پر مسلم لیگی قیادت کی طرف سے آتش بازی کا شاندار مظاہرہ بھی کیا گیا۔شرکا آتش بازی کے شاندار مظاہرے سے لطف اندوز ہوئے۔
آج کے جلسے سے نواز شریف مریم نواز خطاب کرکے اپنے کارکنان کا لہو گرمائیں گے۔دوسری جانب پیپلزپارٹی آج سرگودھا میںانتخابی جلسہ کررہی ہے۔جسکی تیاریاں مکمل کرلی گئیں ہیں۔سیکورٹی کے فل پروف انتظامات کیئے گئے ہیں۔ جلسے سے چیئرمین پیپلزپارٹی بلاول بھٹو خطاب کریں گے۔اور اپنے کارکنان کا لہو گرمائیں گے۔
