منظر عام پر غلام شبیر کا اعترافی بیان آ گیا,ریاستی اداروں کے خلاف پروپیگنڈہ بے نقاب ہوگیا ہے
مخصوص سیاسی جماعت ایک بار پھر ریاستی اداروں کے خلاف بری طرح بے نقاب ہو گئی ہے۔ ذرائع کے مطابق اپنے مزموم عزائم کے حصول کے لیے مخصوص سیاسی جماعت ہر حد پار کر گئی، سیاسی جماعت کے ہینڈلرز نے غلام شبیر نامی شخص کی ویڈیو وائرل کی تھی جس میں وہ ریاستی اداروں کے خلاف غلیظ زبان استعمال کر رہا تھا۔
غلام شبیر کی ویڈیو پروپیگنڈا اکاؤنٹس نے سوشل میڈیا پر مذموم مقاصد کے حصول کے لیے وائرل کی تھی، قانون نافذ کرنے والے اداروں نے تحقیات کی تو ہولناک انکشافات منظر عام پر آئے۔ ڈی جی خان کے رہائشی غلام شبیر کا اعترافی بیان بھی تفتیش کے بعد منظر عام پر آگیا، جس سے معلوم ہوا کہ چند روپیوں کے عوض غلام شبیر سے ریاستی اداروں کے خلاف مخصوص سیاسی جماعت کے کارندوں نے ویڈیو بنوائی اور سوشل میڈیا پر پروپیگنڈا شروع کر دیا۔
غلام شبیر نے اعتراف کرتے ہوئے کہا کہ میں نے پی ٹی آئی سے پیسوں کی لالچ میں آ کر یہ بیان دیا۔اعترافی بیان کے ساتھ ساتھ ریاستی اداروں کے خلاف نعرے بازی پر غلام شبیر نے معافی بھی مانگی ۔مخصوص سیاسی جماعت کے ہینڈلر وقار خان نے غلام شبیر کی ویڈیو شیئر کی تھی۔ وقار خان امریکہ میں رہائش پذیر ہے جو مسلسل پاکستان اور اداروں کے خلاف وقار خان پروپیگنڈا کرتا ہے۔یاد رہے کہ اعلیٰ عدلیہ کو بھی گزشتہ کچھ عرصے کے دوران مخصوص سیاسی جماعت نے نشانہ بنایا،لسبیلہ شہدا کی شہادت اور بے بنیاد پروپیگنڈا اور شہدا کے لواحقین کی دل آزاری بھی کسی سے ڈھکی چھپی نہیں ہے،ملک سے باہر بیٹھے سیاسی جماعت سے جڑے دیگر اکاؤنٹس بھی اِسی طرح پاکستان کے مخالف پروپیگنڈا کرنے کا کوئی موقع نہیں جانے دیتے۔
