لوڈشیڈنگ اور بجلی کے بھاری بلوں سے پریشان عوام کیلئے اچھی خبر آگئی ہے۔
پاکستان میں لوڈشیڈنگ اور بجلی کے بھاری بلوں کی وجہ سے پریشان صارفین کو ریلیف ملنے کی امید ہے۔ذرائع کے مطابق شنگھائی الیکٹرک گروپ پاکستان میں توانائی بحران کو ختم کرنے کیلئے کوشاں ہیں، چینی گروپ نے پاکستان کے تھر کول بلاک-1 میں سرمایہ کاری کی ہے۔شنگھائی الیکٹرک گروپ کے چیئرمین Mr. Wu Lei نے اپنے حالیہ کئے گئےدورہ میں وزیراعظم پاکستان اور خصوصی سرمایہ کاری سہولت کونسل کے عہدیداران سے ملاقاتیں کیں تھی، انہوں نے ان ملاقاتوں میں خصوصی سرمایہ کاری سہولت کونسل کی کوششوں کو سراہا اور مزید غیر ملکی سرمایہ کاروں کو پاکستان میں سرمایہ کاری کی جانب ترغیب دی گئی۔
یہ الیکٹرک گروپ مشہور چینی گروپ ہے، جو کہ توانائی کے آلات تیارکرنے میں مہارت رکھتا ہے۔پاکستان میں شنگھائی الیکٹرک گروپ نے کوئلے پرمبنی پاور پراجیکٹ میں اپنی سرمایہ کاری کو بڑھانے اور غیرملکی پاور پلانٹس کو کوئلے پر منتقل کرنے میں مدد فراہم کرے گا۔اس ممکنہ سرمایہ کاری کی وجہ سے پاکستان کا درآمدی کوئلے پر انحصار کم ہوگا اور توانائی کے درآمدی بل کو کم کرنے کے ساتھ ساتھ سستی توانائی فراہم کرنے میں بھی مدد ملے گی۔
