حزب اللہ نے جنوبی لبنان میں 5بچوں سمیت 10افراد کی شہادت پر اسرائیل کو قیمت چکانے کی دھمکی دے دی
غیر ملکی خبر رساں ادارے کے مطابق حزب اللہ کے رہنما حسن فضل اللہ نے اسرائیل کو خبردار کرتے ہوئے کہا کہ اسرائیل کے حالیہ حملوں کی اسے قیمت چکانی پڑے گی۔یاد رہے کہ لبنان کے سرحدی شہر بناتیہ میں اسرائیلی حملے میں 3بچوں سمیت 7افراد شہید ہوگئے تھے جبکہ اس سے قبل ایک اور اسرائیلی حملے میں خاتون اور اس کے 2بچوں کو شہید کر دیا گیا تھا۔
اس سے قبل فرانس کے صدر ایمانوئیل میکرون نے اسرائیلی وزیر اعظم نیتن یاہو سے ٹیلی فونک گفتگو میں غزہ میں ہلاکتوں کی بڑھتی ہوئی تعداد کو ناقابل برداشت قرار دیتے ہوئے فوجی جنگ بندی کے اپنے مطالبے پر زور دیا تھا۔علاوہ ازیںاسرائیلی جارحیت اور عزائم بڑھتے جا رہے ہیں نیتن یاہو کے اتحادی بھی پیچھے ہٹتے جا رہے ہیں۔ امریکہ اور برطانیہ کے بعد فرانس نے بھی رفح پر بڑی فوجی کارروائی کی مخالفت کردی۔
