انٹرنیشنل کرکٹ کونسل نے ون ڈے فارمیٹ کے بیٹرز، بولرز اور آل راونڈرز کی نئی رینکنگ جاری کردی، بیٹرز میں ڈیرل مچل ، بولرز میں راشد خان اور آل راونڈرز میں عظمت اللہ پہلے نمبر پر موجود ہیں ۔
آئی سی سی کی جانب سے جاری نئی رینکنگ کے مطابق بیٹرز میں نیوزی لینڈ کے ڈیرل مچل کا پہلا نمبر برقرار ہے جبکہ بھارت کے ویرات کوہلی دوسرے اور افغانستان کے ابراہیم زردان تیسرے نمبر پر ہیں ۔
رینکنگ میں پاکستان کے سابق کپتان بابراعظم چھٹے نمبر پر ہیں جب کہ سلمان علی آغا 5 درجے تنزلی کے بعد 14 ویں نمبر پر چلے گئے ہیں اور بھارتی بیٹر شبمن گل کا 5واں نمبر ہے ۔
آئی سی سی ون ڈے بولرز کی فہرست میں افغانستان کے راشد خان کا پہلا نمبر ہے جبکہ انگلینڈ کے بولر جوفرا آرچر دوسرے اور جنوبی افریقہ کے کیشو مہراج کا تیسرا نمبر ہے ۔
پاکستانی سپنر ابرار احمد نے لمبی چھلانگ لگاتے ہوئے 7 درجے ترقی کے بعد چوتھی پوزیشن حاصل کرلی ہے اور فاسٹ بولر شاہین آفریدی بھی 4 درجے ترقی کی بدولت 13 ویں نمبر پر آگئے ہیں ۔
آئی سی سی آل راؤنڈرز کی فہرست میں افغانستان کے عظمت اللہ پہلے نمبر پر ہیں جب کہ زمبابوے کے سکندر رضا دوسرے اور افغانستان ہی کے محمد نبی کا تیسرا نمبر ہے ۔
