جنرل سید عامر رضا نےکمانڈر نیشنل سٹریٹجک کمانڈکی ذمہ داریاں سنبھال لیں، آئی ایس پی آر کے مطابق اس موقع پر نیشنل سٹریٹجک کمانڈ کے نئے کمانڈر کو گارڈ آف آنر پیش کیا گیا ۔
پاک فوج کے شعبہ تعلقات عامہ کی جانب سے جاری بیان کے مطابق جنرل سید عامر رضا نے یادگار شہداء پر پھولوں کی چادر چڑھائی اور وطن کے لیے جانوں کا نذرانہ پیش کرنے والے شہداء کے لیے فاتحہ خوانی کی ۔
آئی ایس پی آر کے مطابق کمانڈر نیشنل سٹریٹجک کمانڈ نے جنرل ہیڈکوارٹرز راولنڈی میں چیف آف ڈیفنس فورسز و فیلڈ مارشل سید عاصم منیر سے ملاقات کی ۔
ترجمان پاک فوج کا مزید کہنا تھا کہ فیلڈ مارشل نے جنرل سید عامر رضا کو کمان سنبھالنے پر مبارک باد دی اور نیک تمناؤں کا اظہار کیا ۔
خیال رہےکہ 2 روز قبل وزیراعظم شہباز شریف نے پاک فوج کے چیف آف جنرل سٹاف لیفٹیننٹ جنرل عامر رضا کو فور سٹار جنرل کے عہدے پر ترقی دی تھی ۔
