گورنرخیبرپختونخوا فیصل کریم کنڈی کا کہنا ہے کہ عمران خان حکومت سے این آر او مانگ رہے ہیں لیکن انہیں این آر او ملے گا نہیں۔
صوابی میں پی پی رہنما بلال شیرپاؤ کی رہائش گاہ پر میڈیا سے بات کرتے ہوئے گورنر خیبر پختونخوا فیصل کریم کنڈی کا کہنا تھا بانی پی ٹی آئی حکومت سے این آر او مانگ رہے ہیں لیکن حکومت انہیں این آر او نہیں دے گی، عدالتوں نے ہی ان کے مقدمات کا فیصلہ کرنا ہے۔
انہوں نے مزید کہا کہ یہ مولانا فضل الرحمان کی جیت ہے کہ اسد قیصر ان کے در پر حاضر ہوتے ہیں۔ عدم اعتماد کی تحریک کے حوالے سے گورنر پختونخوا کا کہنا تھا پیپلزپارٹی عدم اعتماد میں پی ٹی آئی کا ساتھ نہیں دے گی، ہمارا مسلم لیگ ن کے ساتھ اتحاد مضبوط ہے۔
