گجرات میں ملزم ہتھکڑی سمیت فرار ہو گیا، پولیس اہلکار ملزم کو چار پائی کے ساتھ باندھ کر خود خواب خرگوش کے مزے لیتے رہے ـ
ذرائع کے مطابق ،گجرات کے علاقے کنجاہ میں چور نے سنار کے گھر میں گھسنے کی کوشش کی لیکن اس کی بدقسمتی کہ وہ جالیوں میں پھنس گیا۔ اور علاقہ مکینوں نے شور ڈال دیا ،جس پر پولیس نے جائے وقوعہ پر پہنچ کر چور کو پکڑ کر لیا ـاور کنجاہ چوکی منتقل کر دیا ـ
ذرائع کے مطابق ، پولیس اسٹیشن میں اہلکار نے ملزم کو چارپائی کے ساتھ ہتھکڑی لگا کر باندھ دیا اور خود لمبی تان کر سو گیا ـ جس پر چور نے بھی موقع کا فائدہ اٹھایا اور بڑی ہوشیاری سے ہتھکڑی اور چارپائی سمیت پولیس اسٹیشن سے فرار ہو گیا ـ
رپورٹ کے مطابق ،ڈسٹرکٹ پولیس آفیسر نے اس واقعے کا نوٹس لے لیا اور چوکی انچارج سمیت تمام عملے کو معطل کردیا ـ
