سابق بھارتی کرکٹر سنجے منجریکر نے 9 جون کو ناساؤ کاؤنٹی انٹرنیشنل کرکٹ اسٹیڈیم میں ہونے والے پاکستان اور بھارت کے میچ سے پہلے ہی پاکستان ٹیم کو خبردار کردیا ہے۔
کرک انفو سے بات کرتے ہوئے سابق بھارتی کرکٹر سنجے منجریکر نے یہ دعویٰ کیا ہے کہ پچ کے مشکل حالات پر حاوی ہونے کے لیے بھارت کے پاس پاکستان کے مقابلے میں بیٹنگ یونٹ کافی زیادہ مضبوط ہے۔سنجے منجریکر کے مطابق اگر پچ سری لنکا بمقابلہ جنوبی افریقہ کے میچ کی جانب رہتی ہے تو اس سے بھارتی کرکٹر کو زیادہ فائدہ حاصل ہوگا اور اس طرح ہم پاکستان سے بہت ہی آسانی سے جیت جائے گئے۔
بھارتی کرکٹر سنجے منجریکر نے نشاندہی کی ہے کہ پاکستان کا باؤلنگ یونٹ ہندوستان کی عالمی سطح کی بیٹنگ یونٹ کے لیے ایک بہت ہی اہم خطرہ ہے۔مزید سابق کرکٹر کا کہنا تھا کہ اگر پچ مناسب ہو تو بھارت کا کام آسان ہو جائے گا کیونکہ بھارتی بلے باز اس چیلنج کا پھر بہتر طریقے سے مقابلہ کرسکتے ہیں۔یاد رہے کہ پاکستان اور بھارت کے درمیان ٹی ٹوئنٹی ورلڈکپ 2024 9 جون کو ناساؤ کاؤنٹی انٹرنیشنل کرکٹ اسٹیڈیم میں ہوگا۔
