آئی ایس پی آر کی جانب سے جاری بیان میں کہا گیا ہے کہ پولیس کے جوانوں نے فرض کی ادائیگی میں بےمثال قربانیں دیں۔
یوم شہدائے پولیس کے موقع پر افواج پاکستان نے بہادر پولیس کے جوانوں کو خراج تحسین پیش کیا ہے۔
پاک فوج کے شعبہ تعلقات عامہ نے کہا ہے کہ پولیس کے جوانوں نے فرض کی ادائیگی میں بےمثال قربانیں دیں، ان قربانیوں ،غیرمتزلزل عزم اور ہمت کو ہمیشہ یاد رکھا جائے گا۔
آئی ایس پی آر کے مطابق شہیدوں کی قربانیاں ہمارے حوصلےبڑھاتی ہیں، افواج کے افسران اور جوان ان شہیدوں کو سلام پیش کرتے ہیں، شہیدوں نے جان کے نذرانے دیکر قوم کی حفاظت کی۔
ترجمان پاک فوج نے مزید کہا کہ ہم شہیدوں کے خاندانوں کے ساتھ کھڑے ہیں، شہدا کے مشن کو آگے لیکر بڑھتے رہیں گے۔
آئی ایس پی آر نے یہ بھی کہا ہے کہ پولیس شہدا کے ساتھ اظہار یکجہتی کیلئے فوجی افسران اور جوانوان نے مختلف تقاریب میں شرکت کی۔
