خیبرپختونخوا کے سرکاری سکولوں کو پبلک پرائیویٹ پارٹنر شپ کے تحت چلانے کا فیصلہ کرلیا گیا ہے۔خیبرپختونخوا کے سرکاری سکولوں میں تعلیمی نظام نہایت ہی غیر تسلی بخش ہوگیا ہے۔جس کے باعث بچوں کی تعلیم کا حرج ہورہا ہے۔
ذرائع کے مطابق کے پی میں تعلیمی نظام کو بہتر بنانے کے لئے سرکاری سکولوں کو پبلک پرائیویٹ پارٹنر شپ کے تحت چلانے کا فیصلہ کرلیا گیا ہے، صوبے بھر کے 25 سرکاری سکولوں کو پبلک پرائیویٹ پارٹنر شپ کے تحت چلانے کا فیصلہ کیا گیا ہے۔ پہلے مرحلے میں 8 سکولوں کو پائلٹ پراجیکٹ کے طور پر پی پی پی موڈ پر چلایا جائے گا،جبکہ اس کے ساتھ ہی پشاور سمیت دیگر اضلاع میں سرکاری سکولوں کو پرائیویٹ پارٹنر شپ کے تحت چلایا جائے گا۔
وزیر تعلیم فیصل ترکئی کے مطابق مختلف اقدامات کے تحت تعلیم کے معیار کو بہتر بنایا جائے گا۔شعبہ تعلیم پر لاکھوں، کروڑوں روپے خرچ ہونے کے بعد بھی تعلیم کا معیار بہتر نہیں ہو رہا،اس لئے سرکاری سکولوں پر بوجھ کم کرنے کے لئے پی پی پی موڈ پر جانا نہایت ہی ضروری ہے۔مزید فیصل ترکئی نے کہا کہ 21 فیصد کے قریب بجٹ تعلیم پر خرچ ہو رہا ہے لیکن اس کے برعکس معیاری تعلیم کی فراہمی ممکن نہیں ہو پا رہی ہے۔
