کندھ کوٹ میں ڈاکوؤں نے شدید فائرنگ کی ہے۔اس فائرنگ کے نتیجے میں 2 پولیس اہلکار شہید ہوگئے ہیں۔
پولیس کے مطابق کندھ کوٹ میں کچے میں ددڑ چیک پوسٹ پر ڈاکوؤں کی جانب سے فائرنگ کی گئی۔جس کے باعث پوسٹ پر موجود 2 اہلکار شہید اور 2 شدید زخمی ہوگئے ہیں۔پولیس کے مطابق ڈاکو فائرنگ کرنے کے بعد کچے کی جانب فرار ہو گئے جن کی تلاش جاری ہے۔
پولیس کے مطابق ان ڈاکوؤں کی فائرنگ کے بعد سے ہی علاقے میں بھاری نفری کو تعینات کردیا گیا ہے اور اس کے ساتھ ہی سرچ آپریشن بھی جاری کردیا گیا ہے جبکہ علاقے میں نفری کی تعداد کو بھی بڑھادیا گیا ہے۔وزیراعلیٰ سندھ نے اس حملے کی مذمت کی ہے اور اس کے ساتھ ہی آئی جی کو واقعے کی تفصیلی انکوائری کرکے رپورٹ دینے کی بھی ہدایایت جاری کردی ہے۔
