کراچی میں ہونے والے میٹرک کے امتحانات میں نویں جماعت کا کیمسٹری کا پرچہ سوشل میڈیا پر 40 منٹ پہلے ہی وائرل ہوگیا۔
امتحانات میں نقل مافیا سرگرم ہیں اور ساتھ ہی روزانہ کی بنیاد پر پرچے آؤٹ ہونے کا سلسلہ بھی جاری ہے۔اس سے پہلے نویں جماعت کا فزکس کا حل شدہ پرچہ بھی سوشل میڈیا پر وائرل ہوگیا تھا جبکہ اسی طرح نویں اور دسویں جماعت کے دیگر پرچے بھی وائرل ہوئے ہیں۔امتحانی مراکز میں اس کے علاوہ لوڈ شیڈنگ بھی ہورہی ہے جس کے باعث طلبہ شدید پریشان ہیں۔
