کرک میں پنجاب سے ملحقہ سرحدی پہاڑی علاقوں میں پولیس کا سرچ اینڈ اسٹرائیک آپریشن کیا گیا ، پولیس کے مطابق آپریشن کے دوران امن و امان کے قیام اور جرائم پیشہ عناصر کی سرکوبی کیلئے وسیع پیمانے پر کارروائی کی گئی ۔
کرک پولیس کے ترجمان نے بتایا کہ یعقوب خان شہید سے صابر آباد تک سرحدی علاقوں میں پولیس اور ایلیٹ کمانڈوز کی سرچنگ کی،مشتبہ مقامات، پہاڑی راستوں اور ممکنہ ٹھکانوں کی باریک بینی سے تلاشی لی ۔
ڈی پی او کرکے عمران خان نے بتایا کہ آپریشن کے دوران مشکوک افراد کو حراست میں لے کر متعلقہ تھانوں منتقل کر دیا گیا، سرحدی علاقوں میں امن کا قیام ہر صورت یقینی بنایا جائے گا ۔
ان کا کہنا تھا کہ ضلع کے دور دراز اور سرحدی علاقوں میں امن کا قیام ہر صورت یقینی بنایا جائے گا، جرائم پیشہ عناصر کو واضح پیغام دیا جا رہا ہے کہ ضلع کرک میں ان کیلئے کوئی پناہ گاہ نہیں ۔
ضلعی افسر کا مزید کہنا تھا کہ عوام کے جان و مال کے تحفظ کیلئے پولیس ہر وقت متحرک ہے، امن و امان کے قیام اور ریاستی رٹ کے استحکام کیلئے کارروائیاں جاری رہیں گی ۔
