کرک( ابرار خٹک) تھانہ صابر آباد کی حدود میں پولیس اہلکار ظفران شہید کیس میں مطلوب مرکزی نامزد اور اشتہاری ملزم نصیب اللہ پولیس کے ساتھ فائرنگ کے تبادلے میں ہلاک ہوگیا ۔
ڈی پی او کرک عمران خان کے مطابق پولیس کو اطلاع ملی تھی کہ مقدمے میں نامزد ملزمان سرابی کے دشوار گزار پہاڑی علاقے میں موجود ہیں، جس پر ایس ایچ او صابر آباد رشید اللہ، سب انسپکٹر عادل خان، اے ایس آئی افسر علی اور پولیس ٹیم موقع پر پہنچی ۔
پولیس کے مطابق ملزمان نے پولیس پارٹی پر فائرنگ کردی، جس کے بعد فائرنگ کے تبادلے میں اشتہاری ملزم نصیب اللہ ہلاک ہوگیا جبکہ پولیس اہلکار محفوظ رہے ۔
دیگر ملزمان کی موجودگی کے پیش نظر علاقے میں سرچ آپریشن جاری ہے اور مزید پولیس نفری بھی موقع پر پہنچ گئی ہے, ڈی پی او عمران خان کا کہنا ہے کہ ظفران شہید کیس میں ملوث تمام ملزمان کی گرفتاری تک کارروائی جاری رہے گی ۔
واضح رہے کہ گزشتہ ہفتے تھانہ صابر آباد کی حدود میں گشت کے دوران فائرنگ کے واقعے میں پولیس اہلکار ظفران شہید جبکہ اہلکار امتیاز زخمی ہوئے تھے ۔
