گورنر خیبر پختونخوا فیصل کریم کنڈی نےدعویٰ کیا ہے کہ تحریک انصاف 27 ستمبر کو اسلام آباد تک نہیں پہنچ پائے گی، اس وقت خیبر پختونخوا کو امن اور باہمی یکجہتی کی اشد ضرورت ہے ۔
لاہور میں میڈیا سے گفتگو کرتے ہوئے گورنر خیبر پختونخوا نے کہا کہ کہ اگر پی ٹی آئی اسلام آباد پہنچ بھی گئی تو اس سے بانیِ پی ٹی آئی کی رہائی تو ممکن نہیں، کیونکہ عدالتوں نے انہیں سزائیں سنا رکھی ہیں جو پوری ہونے کے بعد ہی وہ باہر آئیں گے ۔
گورنر خیبر پختونخوا نے وزیرِ اعلیٰ پنجاب کے بیانات پر تبصرہ کرتے ہوئے کہا کہ انہیں دوسرے صوبوں سے کوئی خطرہ نہیں ہونا چاہیے کیونکہ وہ ہماری "بہو” ہیں، اس لیے اس قسم کے بیانات سے گریز کیا جانا چاہیے ۔
فیصل کریم کنڈی کا مزید کہنا تھا کہ اس وقت خیبر پختونخوا کو امن اور باہمی یکجہتی کی اشد ضرورت ہے ۔
انہوں نے تنقید کرتے ہوئے کہا کہ پنجاب میں ہونے والی احتجاجی تحریک کے دوران سہیل آفریدی خود کارکنوں کی بجائے صرف اپنے سیکیورٹی عملے کے ساتھ گھومتے دکھائی دئیے اور پھر پنجاب سے واپس چلے گئے ۔
