بلوچستان کے ضلع خضدار میں بم دھماکے میں پریس کلب کے صدر مولانا محمد صدیق مینگل جاں بحق ہوگئے ہیں۔
قومی شاہراہ پر سلطان ابراہیم روڈ پر ریموٹ کنٹرول بم دھماکہ ہوا جس کے نتجیے میں پریس کلب کے صدر مولانا محمد صدیق مینگل جاں بحق ہوگئے ہیں جبکہ ساتھ ہی 9 افراد زخمی ہوگئے ہیں۔پولیس کے مطابق دھماکا خضدارچمروک ایریا میں ہوا، جہاں پر گاڑی کو نشانہ بنایا گیا،دھماکے کی وجہ سے مقامی صحافی اورخضدار پریس کلب کےصدر زندگی کی بازی ہار گئے، ان کی گاڑی کو میگنٹ بم سے نشانہ بنایاگیا ہے،اس سے پہلے بھی مولانا صدیق مینگل پر ایک حملہ ہوچکا تھا، مولانا صدیق مینگل نمازجمعہ پڑھانےکیلیےمسجد کی جانب جارہے تھے۔ریسکیو ٹیموں نےتمام زخمی افراد کو قریبی ہسپتال منتقل کردیا ہے،سکیورٹی فورسز نے علاقے کوگھیرے میں لےکرتحقیقات کا آغاز کردیا ہے۔
