Latest Urdu news from Pakistan - Peshawar, Lahore, Islamabad

پولیس اہلکاروں کے قتل کا ٹاسک افغانستان میں دیا گیا, پولیس اہلکاروں کی ٹارگٹ کلنگ کے ملزم کا انکشاف

لاہور میں پولیس اہلکاروں کی ٹارگٹ کلنگ میں ملوث ملزم نے انکشاف کیا ہے کہ 6 پولیس اہلکاروں کے قتل کا ٹاسک افغانستان میں ملا تھا۔

پولیس اہلکاروں کے قتل میں ملوث ملزم فیضان بٹ کو الفلاح ٹاؤن لاہور سےگرفتار کیا گیا، ملزم  اب تک تین پولیس اہلکاروں کو قتل کرنے کا اعتراف کر چکا ہے۔ پولیس ذرائع کے مطابق ملزم کا کہنا ہے اسے دھماکہ خیز مواد کے مقدمے میں ملوث کیا گیا تھا جس کا اس کو بہت غصہ تھا۔

پولیس ذرائع کے مطابق ملزم  نے کہا ہے کہ جیل میں کالعدم لشکر جھنگوی کے رؤف گجر سے ملاقات ہوئی جس نے 6 لاکھ روپے رشوت دیکر  ضمانت کرائی۔ ذرائع کےمطابق ملزم نے بتایا ہے کہ اسے رہا کروا کر افغانستان کے علاقے خراسان بھجوا دیا گیا جہاں اسے 6 پولیس اہلکاروں کے قتل کا ٹاسک دیا گیا۔

پولیس ذرائع کے مطابق افغانستان میں ملزم کی ملاقات عاصم نامی شخص سے ہوئی جس نے اسے پولیس اہلکاروں کے قتل کا ٹاسک دیا اور ٹاسک پورا کرنے پر افغانستان میں ملازمت دینے کا وعدہ کیا۔پولیس ذرائع کے مطابق ملزم نے بتایا ہے کہ اس نے ساری کارروائیاں اکیلے ہی کیں، اس کے بھائی کا اس میں کوئی تعلق نہیں، موٹر سائیکل شادباغ لاہور سے چھینی، اس کے نمبر کو تبدیل کرکے پولیس اہلکاروں کو ٹارگٹ کیا۔

جواب چھوڑیں

آپ کا ای میل ایڈریس شائع نہیں کیا جائے گا.