باجوڑ میں گزشتہ روز ہونے والے دھماکے سے متعلق سی ٹی ڈی نے رپورٹ تیار کرلی، مقدمہ بھی درج کرلیا گیا جس میں 7 دہشتگردوں کی نشاندہی کی گئی ہے ۔
پشاور:محکمہ انسداد دہشتگردی کے مطابق دھماکےکی جگہ سے موٹر سائیکل کے پرزے، بارودی مواد، خون کے نمونے ملے ہیں جب کہ جائے وقوعہ سے آئی ای ڈی کے ٹکڑے بھی برآمد ہوئے ہیں ۔
سی ٹی ڈی کے مطابق واقعے میں ملوث 7 دہشتگردوں کی نشاندہی ہوگئی ہے،پولیس کا کہنا ہے کہ باجوڑ دھماکے کی ایف آئی آر تھانہ سی ٹی دی میں درج کی گئی ہے ۔
ایف آئی آر کے متن میں کہا گیا ہےکہ اسسٹنٹ کمشنر ٹیم کے ہمراہ تجاوزات کے خلاف آپریشن کررہے تھے، اطلاع موصول ہوئی کہ کہ اسسٹنٹ کمشنر اور دیگر پرحملہ ہوا، واقعے میں اسسٹنٹ کمشنر سمیت 5 افراد شہید اور 11 زخمی ہوئے ہیں ۔
