پشاور اور بنوں سمیت خیبر پختونخوا کے مختلف علاقوں میں طوفانی ہواوں اور بارش کے دوران مختلف حادثات میں 39 افراد زخمی ہو گئے، ریسکیو حکام کے مطابق بنوں میں 24 جبکہ پشاور میں 15 افراد زخمی ہوئے، تمام زخمیوں کو ہسپتال منتقل کردیا گیا ۔
پشاور: ریسکیو حکام کے مطابق خیبر پختونخوا کے مختلف علاقوں میں تیر ہواوں کے ساتھ تیز بارش کے دوران دیواریں او درخت گرنے کے مختلف واقعات پیش آئے ہیں ۔
ریسکیو حکام کا کہنا ہے کہ مختلف واقعات میں 39 افراد شدید زخمی ہوئے ہیں جن کو ہسپتالوں میں منتقل کیا گیا ہے ، بیشتر کی حالت خطرے سے باہر ہے ۔
ریسکیو حکام کا کہنا تھا کہ بنوں میں مختلف واقعات کے دوران 24 افراد زخمی ہوئے جبکہ پشاور شہر کے مختلف علاقوں میں مختلف حادثات میں 15 افراد زخمی ہوئے ہیں ۔
بنوں اور پشاور کے ساتھ مردان، صوابی، مہمند میں بھی تیز ہواوں کے ساتھ بارش ہوئی جہاں گرمی کی شدکت میں کمی آگئی اور موسم خوشگوار ہو گیا ۔
دوسری جانب وفاق دارالحکومت اسلام آباد ، جڑوان شہر راولپنڈی او گردونواح میں بھی تیز ہواوں کیساتھ بارش ہوئی جس کے بعد موسم خوشگوار ہو گیا اور گرمی کی شدت میں کمی آئی ہے ۔
