دوسرے ون ڈے میچ میں آسٹریلیا نے پاکستان کو 41 رنز سے ہراکر تین میچوں کی سیریز ایک ایک سے برابر کردی،آسٹریلیا کے 232 رنز ہدف پوری قومی ٹیم 44 اوورز میں 190 رنز بنا سکی ۔
لاہور کے قذافی سٹیڈیم میں کھیلے گئے تین میچز کی سیریز کے دورسرے ون ڈے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی ۔
مہمان ٹیم آسٹریلیا نے پہلےکھیلتے ہوئے مقررہ 50 اوورز میں 9 وکٹ پر 231 رنز بنائے،کیمرون گرین 53، جوش انگلس 51 اور میٹ رِن شا 43 رنز بنا کر نمایاں بیٹرز رہے ۔
پاکستان کی جانب سے کپتان شاہین آفریدی نے 3 جبکہ حارث رؤف ، عرفات منہاس اور ابرار احمد نے 2،2 کھلاڑیوں کو آوٹ کیا ۔
232 رنز ہدف کے تعاقب میں پوري قومی ٹیم 44 اوورز میں 190 رنز پر ڈھیر ہوگئی جس کے بعد آسٹریلیا نے سیریز ایک ایک سے برابر کردی ۔
پاکستان کی جانب سے شاداب خان نے سب سے زیادہ 71، غازی غوری 37، عرفات منہاس 33 اور بابراعظم 16 رنز بناکر نمایاں بیٹرز رہے ۔
آسٹریلیا کی جانب سے نیتھن ایلس نے شاندار بولنگ کرتے ہوئے 4 وکٹیں حاصل کیں، جبکہ میتھیو شارٹ نے 3 کھلاڑیوں کو آوٹ کیا ۔
دونوں ٹیموں کے درمیان آخری اور فیصلہ کن میچ 4 جون کو قذافی سٹیڈیم میں ہی کھیلا جائے گا، واضح رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے ۔
