پشاور: خیبرپختونخوا کے پبلک سروس کمیشن کی جانب سے مقابلے کے امتحانات کے لیے عمر کی حد میں اضافہ کردیا گیا، اس حوالے سے ڈائریکٹر امتحانات پبلک سروس کمیشن نے اعلامیہ بھی جاری کردیا ۔
جاری ہونے والے نوٹیفکیشن کے مطابق پرووینشل منیجمنٹ سروسز (پی ایم ایس) کے مقابلے کے امتحانات کے لیے امیدواروں کی عمر کی حد 30 سے بڑھا کر 35 سال کردی گئی ہے ۔
اعلامیے کے مطابق آئندہ 2 برسوں کے لیے پی ایم ایس ٹیسٹ کے مواقع بھی 3 سے بڑھا کر 4 کردیے گئے ہیں ۔
