خیبر پختونخوا میں افغان شہریوں کی میپنگ کا عمل مکمل ہوگیا ہے
خیبر پختونخوا میں مقیم غیر قانونی و قانونی افغان باشندوں کی میپنگ کا عمل مکمل ہوگیا ہے۔محکمہ داخلہ کی افغان باشندوں سے متعلق دستاویز کے مطابق صوبہ بھر سے 70 فیصد افغان شہریوں کی میپنگ مکمل ہوگئی، 8 لاکھ 80 افغان شہریوں کو نادرا نے سیٹیزن کارڈ جاری کیے، افغان کارڈ کے حامل تین لاکھ 20 ہزار افغان شہری خیبر پختونخوا میں مقیم ہیں۔
ڈیٹا دستاویز کے مطابق مکمل کرنےکے بعد وزرات داخلہ کے احکامات پر عملدرآمد کیا جائے گا، نومبر 2023سے اب تک 3 لاکھ 14 ہزار سے زائد افغانی خیبرپختونخوا سے واپس گئے، 30اپریل تک افغان سیٹزن کارڈ کے حامل افغانیوں کی میپنگ مکمل کی جائے گی۔محکمہ داخلہ کی دستاویز کے مطابق ملک بھر سے رضاکارانہ طور پر افغانیوں کا اپنے وطن جانے کا سلسلہ جاری ہے ،وزارت داخلہ نے صوبہ بھر میں افغان شہریوں کی تفصیلات اکھٹی کرنے کی ہدایات کی تھی۔
