وزیراعظم نے مزار قائدپرحاضری دی 

وزیراعظم شہباز شریف نے مزار قائد پر حاضری دی ہے

 ایک روزہ دورے پر وزیراعظم شہباز شریف کراچی پہنچ گئے ہیں انہوں نے وہاں پر مزار قائد پر حاضری دی پھول چڑھائے اور فاتحہ خوانی کی۔ذرائع کے مطابق گورنر سندھ کامران ٹیسوری نے ان کا استقبال کیا۔وزارت عظمیٰ  کا منصب سنبھالنے کے بعد یہ شہباز شریف کا پہلا دورہ کراچی ہے۔بذریعہ ہیلی کاپٹر وزیراعظم مزار قائد پر پہنچے اور بانی پاکستان قائداعظم محمد علی جناح کے مزار پر حاضری دی۔ مزار پر انہوں نے پھول رکھے اور فاتحہ خوانی کی۔ ان کے ہمراہ اس موقع پر گورنر سندھ کامران ٹیسوری، وزیراعلیٰ مراد علی شاہ، وفاقی وزرا محمد اورنگزیب، احسن اقبال، خالد مقبول، جام کمال ودیگر موجود تھے۔

شہباز شریف وزیراعظم نے مزار قائد پر مہمانوں کی کتاب میں اپنے تاثرات قلمبند کیے۔اپنے ایک روزہ دورہ کراچی میں وہ کاروباری برادی اور کراچی چیمبر آف کامرس کے وفود سے ملاقات بھی کریں گے اورملکی معیشت کی بہتری کے حوالے سے ان سے تجاویز لیں گے۔

شہباز شریف گورنر اور وزیراعلیٰ سندھ سے بھی ملاقاتیں کریں گے اور صوبے کی مجموعی سیاسی صورتحال اور انتظامی امور پر ان سےتبادلہ خیال کریں گے۔دریں اثنا ذرائع نے بتایا ہے کہ وزیراعظم شہباز شریف نے ن لیگ سندھ کے رہنماوں کو ملاقات کے لیے مدعو کر لیا ہے۔وزیراعلیٰ ہاؤس میں یہ ملاقات ہوگی جس میں مسلم لیگ ن سندھ کے صدر بشیر میمن، رکن قومی اسمبلی کھیئل داس کوہستانی، شاہ محمد شاہ، نہال ہاشمی، علی اکبر گجر اور دیگر شامل ہوں گے۔