میڈیا کرکٹ لیگ 2025کے فائنل میں خیبرنیٹ ورک کی ٹیم نے میدان مارلیا۔ خیبر نیٹ ورک کی ٹیم نے سنسنی خیز مقابلے کے بعد جنگ گروپ کو شکست دے کر ٹرافی اپنے نام کرلی۔
فائنل میچ میں خیبرنیٹ ورک نے جنگ گروپ کو 7وکٹوں سے شکست دے کر فائنل کی ٹرافی اپنے نام کی۔جنگ گروپ کی جانب سے 148رنز کے ہدف دیا گیا جو خیبرنیٹ ورک کی ٹیم نے دو وکٹوں کے نقصان پر حاصل باآسانی پورا کرلیا۔
شالیمار کرکٹ گراؤنڈ اسلام آباد میں کھیلے جانے والے فائنل میں پہلے کھیلتے ہوئے روزنامہ جنگ نے 148 رنز بنائے ۔ خیبر نیٹ ورک نے مطلوبہ ہدف ساتویں اوور میں دو وکٹ کے نقصان پر پورا کر لیا۔فائنل کے مین آف دی میچ فہد میاں چنو ں تھے
مین آف دی ٹورنامنٹ سنو ٹی وی کے متین احمد رہے جبکہ بیسٹ بالر فرحت عباسی گرین ٹی وی قرار پائے۔ قبل ازیں پہلے سیمی فائنل میں روزنامہ جنگ نے ایک نیوز کو 30رنز سے شکست دے کر فائنل تک رسائی حاصل کی تھی جبکہ دوسرے سیمی فائنل میں خیبر نیٹ ورک نے جی این این کو 10 وکٹ سے ہرا کر فائنل کھیلنے کا اعزاز حاصل کیا تھا۔
فائنل کے مہمان خصوصی چیئرمین سینٹ یوسف رضا گیلانی اور وفاقی وزیر اطلاعات و نشریات عطا تارڑ تھے ۔ انہوں نے ونر ٹرافی اور تین لاکھ روپے فائنل کی فاتح خیبر نیوز کو جبکہ رنر اپ ٹرافی اوردو لاکھ روپے روزنامہ جنگ کو د یئے ۔مختلف آفیشلز اور ٹورنامنٹ آرگنائزز میں شیلڈز بھی تقسیم کی گئیں۔ میڈیا کرکٹ لیگ جیتنے پر وفاقی وزیر اطلاعات عطاتارڑنے خیبرٹی وی کو مبارکباد دی۔
