ٹی وی اور ریڈیو کی سینئر فنکارہ ثمینہ سحر نے کہا کہ خیبر ٹی وی نے ان کو بہت کامیاب کیا ہے۔
پشاور (حسن علی شاہ) ٹی وی اور ریڈیو کی سینئر فنکارہ ثمینہ سحر نے اخبار خیبر سے ملاقات کے دوران خیبر اور کے ٹو چینلز کے ساتھ اپنے تجربات کا ذکر کیا۔ انہوں نے کہا کہ انہوں نے خیبر اور کے ٹو پر بہت کام کیا ہے، خاص طور پر کے ٹو کی ہندکو سیریل "آغا جی ڈاٹ کام” میں شاہ گل کے کردار نے انہیں بڑی مقبولیت عطا کی۔
ثمینہ سحر نے مزید کہا کہ جب بھی انہیں خیبر ٹی وی پر بلایا گیا، انہیں عزت اور محبت ملی۔ ان کا کہنا تھا کہ خیبر نیٹ ورک اس وقت واحد پلیٹ فارم ہے جس سے فنکاروں کی امیدیں وابستہ ہیں، اور انہیں وقتاً فوقتاً کام ملتا رہتا ہے۔ انہوں نے اس بات پر زور دیا کہ فنکار معاشرے کا حساس طبقہ ہے اور انہیں پبلک پراپرٹی کا درجہ حاصل ہے۔
