ضلع خیبر میں نامعلوم موٹر سائیکل سواروں کی فائرنگ ہوئی ہے۔ جس کے باعث پولیو ورکر اور پولیس اہلکار زخمی ہو گئے ہیں
ضلع خیبر کے علاقہ باڑہ برقمبر خیل عربی مسجد کے قریب نامعلوم موٹر سائیکل سواروں کی فائرنگ کا واقعہ پیش آیا ہے۔ فائرنگ سے ذرائع کے مطابق پولیو ورکرز عبداللہ اور پولیس اہلکار گل کریم زخمی حالات میں حیات آباد میڈیکل کمپلیکس منتقل کر دئیے گئے ہیں۔ذرائع کے مطابق پولیس کی بھاری نفری نے نامعلوم موٹر سائیکل سواروں کی فائرنگ کے واقعہ کے بعد جائے وقوعہ پر پہنچ کر علاقے کو گھیرے میں لے لیا ہے ۔ پولیس نےعلاقے میں ملزمان کی سراغ رسائی اور انہیں گرفتار کرنے کیلئےسرچ آپریشن شروع کردیا ہے۔
