لاہور کے تاریخی محلے ہیرا منڈی کے ٹیزر جاری ہونے پر اس کی عوام میں دھوم مچ گئی ہے
بالی ووڈ ویب سیریز "ہیرا منڈی” جو کہ پاکستان کے شہر لاہور کے تاریخی محلے پر بنائی گئی۔اس کا کا پہلا ٹیزر جاری کردیا گیا ہے۔باجی راؤ مستانی اور دیوداس جیسی فلمیں بنانے والے بالی ووڈ کے معروف فلم ساز سنجے لیلا بھنسالی نے پاکستان کے شہر لاہور کے تاریخی محلے "ہیرا منڈی” پر ویب سیریز بنائی ہے۔جس کا ٹیزر آتے ہی اس کے عوام میں دھوم مچ گئی ہے۔سوناکشی سنہا، ادیتی راؤ حیدری، منیشا کوئرالا، شرمین سہگل، سنجیدہ شیخ اور ریچا چڈھا اس ویب سیریز میں اہم کردار ادا کررہی ہیں۔
پچھلے سال فروری میں فلم کا پوسٹر عوام میں جاری کیا گیا تھا اور اس کا ٹیزر یکم فروری کو جاری کیا گیا ہے۔ڈائیلاگ ٹیزر میں شامل نہیں کیے گئے ہیں۔تاہم سیریز کی مرکزی اداکاراؤں کے کچھ ایکشن سین اور رقص دکھائے گئے ہیں۔ابھی ویب سیریز کی ریلیز کی تاریخ کا اعلان نیٹ فلکس پر نہیں ہوا لیکن 2024 میں ہی سیریز کا پریمیئر متوقع ہے۔
