ضلع لکی مروت کے علاقے گمبیلا اور غزنی خیل میں پولیس کے تین دن میں تین مقابلے ہوئے جس کے دوران زخمی حالت میں 3 اشتہاریوں کو بھی گرفتار کر لیا گیا ہے۔
پولیس رپورٹ کے مطابق ان مقابلوں کے دوران 3 اشتہاری گرفتارکئے گئے ہیں۔ جن میں سے بائست خیل پھاٹک پر پولیس مقابلہ ہوا جس میں امجد نامی اشتہاری کو زخمی حالت میں گرفتار کر لیا گیا۔ملنگ اڈہ کے قریب گمبیلا پولیس نے دوسرے اشتہاری وسیم اللہ عرف غم بچھڑا کو گرفتار کیا جبکہ پولیس نےغزنی خیل میں فائرنگ تبادلے کے بعد منشیات فروش عاطف کو بھی گرفتار کرلیا۔واضح رہے کہ ان تینوں اشتہاریوں کو پولیس نے زخمی حالت میں گرفتار کیا ہے۔ان ملزمان سے پولیس نے 4 کلو چرس، 2 کلو آئس اور اسلحہ بھی برآمد کیا ہے۔
