پشاور میں طویل لوڈ شیڈنگ کی وجہ سے عوام کا پارہ ہائی ہوگیا، ہزار خوانی کی مسجدوں سے لاؤڈ سپیکر کے ذریعے لوڈ شیڈنگ کے حوالے سے اعلانات شروع کر دئے گئے ہیں۔
پشاور میں طویل لوڈ شیڈنگ کے خلاف ہونے والے ان اعلانات میں کہا جا رہا ہے کہ 16 گھنٹے لوڈ شیڈنگ ختم ہونے تک رینگ روڈ بند رہے گا اور اس حوالے سے مذاکرات صرف واپڈا چیف سے ہی کئے جائے گئے۔اس موقع پر سابق ڈسٹرکٹ ناظم حاجی کریم جان کا کہنا تھا کہ ہم نے 16 گھنٹے کی ظالمانہ لوڈ شیڈنگ کو ختم ہونے کیلئے بہت صبر کیا ہے۔ان کے مطابق اب ہم پشاور بھر کی ٹریفک کو جام کر کے رینگ روڈ پر ٹینٹ لگائیں گے اور یہ ٹینٹ تب تک لگے رہے گئے جب تک 16 گھنٹے کی لوڈ شیڈنگ کا خاتمہ نہیں کیا جاتا۔اس حوالے سے شرکاء کا کہنا تھا کہ وفاق کی طرف سے ہر بار خیبرپختونخوا کی عوام کے ساتھ ظلم کیا جاتا ہے، کبھی آٹا،چینی مہنگی کردی جاتی ہے تو کبھی طویل لوڈ شیڈنگ جاتی ہے۔
