ضلع مردان میں تھانہ جبر کے علاقے فاطمہ کلے میں غیرت کے نام پر میاں بیوی کو قتل کر دیا گیا، مقامی ذرائع کے مطابق جاں بحق خاتون نےمبینہ طور پر گھر سے بھاگ کر شادی کی تھی ۔
پولیس کے مطابق فائرنگ سے جاں بحق شخص کا تعلق فیصل آباد سے ہے، ظفر اقبال نامی شخص نے کچھ عرصہ قبل پسند کی شادی کی تھی ۔
قتل سے متعلق پولیس نے بتایا کہ واقعے کے وقت میاں بیوی بھائی کے گھر مہمان بن کر آئے تھے جہاں 5 ملزمان نے گھر میں گھس کر فائرنگ کی جس کے باعث میاں بیوی موقع پر ہی دم توڑ گئے ۔
دونوں کی لاشیں پوسٹ مارٹم کے لیے ہسپتال منتقل کر دی گئیں جبکہ پولیس نے واقعے سے متعلق مزید تحقیقات شروع کردی ہیں ۔
