روس میں 10ہزار سے زائد مکانات سیلاب کی لپٹ میں آگئے ہیں
روس بھر میں 10ہزار400 سے زائد مکانات سیلاب کی زد میں آ گئے ہیں۔غیر ملکی خبررساں اداروں کی رپورٹ کے مطابق روس کی ہنگامی صورتحال کی وزارت نے اعلان کیا ہے کہ روس بھر میں10ہزار400 سے زائد مکانات زیر آب آگئے ہیں کیونکہ تیزی سے پگھلنے والی برف یورپ کے کچھ بڑے دریاؤں سےجاملی ہے۔اورال دریا، جو اورال پہاڑوں سے شروع ہو کر بحیرہ کیسپین میں جا ملتا ہے، جمعہ کو برف کے پگھلنے کی وجہ سے چند گھنٹوں کے اندر اس کی سطح کئی میٹر تک بلند ہو گئی اور دارالحکومت ماسکو سے 1,800 کلومیٹر مشرق میں اورسک کے شہر میں ایک بند کو پار کر گئی۔ذرائع کے مطابق بتایا گیا ہے سائبیریا، وولگا اور روس کے وسطی علاقوں میں سیلاب آیا ہے۔روس کی وزارت برائے ہنگامی حالات نے بیان میں کہا کہ "39 علاقوں میں 10,400 سے زیادہ مکانات زیر آب آ گئے ہیں۔”
