قومی کرکٹ ٹیم کے فاسٹ بولر احسان اللہ نے خود ہی اپنے والد کے بیان کی مخالفت کردی،کہتے ہیں میرا ری ہیب سوات میں اچھا چل رہا ہے،جلد کم بیک کروں گا ۔
سوشل میڈیا پر جاری اپنے بیان میں فاسٹ بولر احسان اللہ کا کہنا تھا کہ میرا ری ہیب سوات میں اچھا چل رہا ہے، میری کہنی کا خم اور سیدھے بازو کا اینگل ٹھیک ہو رہا ہے، میں جلد کم بیک کروں گا۔
احسان اللہ کا کہنا تھا کہ میڈیا پر خبر آئی کہ میرا ری ہیب اچھا نہیں چل رہا، پی سی بی کو درخواست کرتا ہوں میرا ری ہیب اچھا چل رہا ہے مجھے سوات میں ہی رہنے دیں۔
اس سے قبل احسان اللہ کے والد نے ایک بیان میں چیئرمین پی سی بی محسن نقوی سے بیٹے کی لاہور میں ری ہیب مکمل کرنے کی درخواست کی تھی۔
احسان اللہ کے والد کا کہنا تھا کہ میرے بیٹے کو این سی اے میں منتقل کرکے علاج کیا جائے، سوات میں سہولیات اچھی نہیں، میرے بیٹے کو لاہور بلایا جائے۔
