صدر مملکت آصف علی زرداری نے کھیل کے شعبے میں شاندار کاکردگی کے اعتراف میں گولڈ میڈلسٹ ارشد ندیم کو ہلال امتیاز سے نوازا۔
صدر ہاؤس اسلام آباد میں منعقدہ ایک خصوصی تقریب میں صدر آصف علی زرداری نے پیرس اولمپکس میں جولین تھرو میں پاکستان کے لئے گولڈ میڈل جیتنے پر ارشد ندیم کوہلال امتیاز سے نوازا گیا۔
صدر آصف علی زرداری نے ارشد ندیم کو اپنی جانب سے 10 کروڑ روپے کے انعام کابھی اعلان کیا۔
صدر ہاؤس اسلام آباد کی طرف سے جاری اعلامیہ کے مطابق صدر آصف علی زرداری نے بعد ازاں ارشد ندیم سے ملاقات بھی کی۔
صدر مملکت کا اس موقع پر کہنا تھا کہ ارشدندیم نے اولمپک ریکارڈ بنا کر ملک کا سر فخر سے بلند کیا ہے۔
صدر مملکت کا مزید کہنا تھا کہ ارشد ندیم نے اپنی شاندار کارکردگی سے لاتعداد نوجوان کھلاڑیوں کو بھی متاثر کیا۔ انھوں نے کہا کہ پاکستان میں دیگر کھیلوں خصوصا سنگلز کو فروغ دینے کی ضرورت ہے۔
اس موقع پر صدر آصف زرداری نے کہا کہ وہ کھلاڑیوں کی فلاح و بہبود کیلئے سندھ حکومت کو پاکستان سپورٹس بورڈ کے انڈومنٹ فنڈ میں 250 ملین روپے کا حصہ ڈالنے کا کہیں گے۔
ارشد ندیم نے ہلال امتیاز ایوارڈ دینے پر صدر مملکت کا شکریہ ادا کیا۔
