ضلع سوات کی تحصیل مینگورہ میں بنڑ پولیس چوکی پر نامعلوم افراد نے حملہ کیا، واقعے میں ایک اہلکار شہید اور ایک زخمی ہوا۔
ڈی پی او سوات کے مطابق بدھ اور جمعرات کی درمیانی رات نامعلوم افراد نے بنڑ پولیس چوکی پر دستی بموں سے حملہ کر دیا۔
حملے میں 2 پولیس اہلکار زخمی ہوگئے تھے، دونوں زخمی اہلکاروں کو سیدو شریف ہسپتال منتقل کیا گیا تاہم علاج کے دوران رحمان اللہ نامی اہلکار زخموں کی تاب نہ لاتے ہوئے شہید ہوگیا۔
ڈی پی او سوات کا کہنا ہے کہ واقعہ کے بعد پولیس نفری بنڑ پولیس چوکی پہنچ گئی اور علاقے میں سرچ آپریشن شروع کردیا۔
